Od aptečnogo pulta do koda

Ja jesm Radoslav Kaczmarczyk, licencovany farmaceut. Po nekoliko lětah v Poljsko jesm deset lět rabotal v norvežskyh aptekah: vydaval lěky, sovětoval pacientam i rabotal s programami moderne apteky. Potom jesm ne samo koristil te programy, ale počal pytati, kako by ih možno stvoriti bolje. I počal jesm tvoriti.

V 2026 jesm se vratil do Poljsko s jasnym směrom: rabotati na krstovišču farmacije i programovanja. Moje znanje receptov, refundacije, pravil zaměny, skladu i komunikacije s pacientami jest to, čego čisty absolvent informatiki ne može donesti. Kod jest način, kako to znanje uporabim.

Paralelno s rabotoju dalje se učim: jesenju 2026 studiujem prědmety na Universitetu v Bergenu — bazy danyh, digitalnu kulturu i filozofiju (examen philosophicum).

S čim rabotam

Kod i dane

• Python (pandas, Streamlit, skripty)
• SQL / PostgreSQL
• Docker i Docker Compose
• Linux servery, VPS i automatizacija cron
• REST API, Strapi i WordPress
• Osnovy React/Vite
• Astro, Sanity, Vercel (ta stranica)
• Kotlin i Swift (aplikacije klaviatur za Android i iOS)
• Google Analytics 4 i Tag Manager

Farmacija

• Licencovany farmaceut — aktivne PWZ v Poljsko
• Nekoliko lět prakse v Poljsko i 10 lět obščej farmaceutskoj prakse v Norvegii
• Sistemy vydavanja, e-recepty, logika refundacije
• Sovětovanje pacientov v četyreh jezykah

Jezyky

Poljsky (rodny), norvežsky i anglijsky (svobodno), medžuslovjansky — učim se na kursu; jesm avtor klaviatur i slovnika za medžuslovjansky.

K čemu idem

Hoču tvoriti programy, ktore napravdu pomagajut ljudam v farmaciji: aptekam, pacientam i timam, ktore se starajut o dane. Ako iščeš člověka, ktory razume farmaceutske problemy i može stvoriti rešenje, svrži se so mnoju.